Белы сьпіс: Аляксандар Памідораў
Выпуск 3
У асяродку беларускіх музыкаў першым беларускім рэперам прынята лічыць Францішка Багушэвіча. І надалі аднаму з пачынальнікаў новай беларускай літаратуры гэты статус не зусім каб і жартам. Нашы выканаўцы заўважылі, што яго вершы сапраўды добра кладуцца пад біт і вельмі пасуюць для чытаньня ў хуткай манеры. Пісаліся тыя тэксты пры канцы 19-стагоддзя, а скарысталіся імі ўжо на пачатку 21-га. Сярод тых, хто натхніўся Багушэвічам быў і герой сёньняшняга «Белага спісу» — Аляксандр Памідораў, якому ўласна і належыць аўтарства першага ўцямнага беларускага рэпу, ці прынамсі нечага блізкага да гэтай стылістыкі, створанага на беларускай мове. Гаворка пра адзін з галоўных беларускіх радыёхітоў канца мінулага стагоддзя — «Цуд на Каляды», які ўвайшоў у супольны музычны праект «Сьвяты вечар». Напэўна з гэтай песняй творчасць Памідорава і будзе асацыявацца заўжды.
добавлен 03.10.12 10:02